Table of Contents Chalo Ek Din Ke Liye Musalman Ban Jata Hoon Poem |
Chalo ek din ke liye tum Hindu ban jao
Aur main Musalman ban jaata hoon
Aaj main alpsankhayak ban kar dekhta hoon
Aur bahusankhayak ki neend tumhe saumpta hoon
Kaano mein roz ki tarah azaan toh pade
Par aaj kuch sukoon sa lage
Aur ganpati ke dhol par
Tumhara bhi kuch hujum sa lage
Samajh mein aajayega baat badi nahi chhoti hi thi
Burkha fate ya ghunghat, andar toh beti hi thi
Mere dost Amir se kehna apna naam Avinash rakh le
Rooh to meri yahi rahegi, padosi se kehna laash rakh le
Main aaj dafan ho jaata hoon, tumhe kal jala diya jayega
Agle janam bhi hume upar tak bhar kar dheere se hila diya jayega
Kyunki kurta aur pathaani jab bhi milenge dekhne wale to fark hi karenge
Khareedne wale mol lagayenge aur bechne wale bechte jaayenge
Lekin jo bik raha hai use pata tak nahi jo Pitt raha hai uski khata tak nahi
Are maarna hai to saitaan ko maaro kyunki Insaan toh koi bacha hi nahi
Kal jab waapas main hindu aur aap musalmaan banenge
Shayad kuch behtar insaan banenge
Tab ghar aana biryani khilaunga aur minority nahi sidha Hindustani bulaunga