Kaise kar lete hai log aisi harkatein
Yahan toh likhte huye hi mere haath kaamp jaate hai
Aadmi hai ye ya koi jaanwar hai junglee
Jo akeli ladki ki saans bhaanp jaate hai
Par jaanwar bhi pahle maarta hai phir khaata hai
Ye pahle nochte hai phir khoon karte hai
Sochta hoon aise logo ke beech kisi ladki ke
Maa-Baap kaise kabhi bhi sukoon bharte hai
Jiske saath hua hai ye usnejhela kaise hoga?
Mera dil toh khabar sunke pahle cheekh bhare
Meri jeebh jale, lekin aise halaat mein
Koi kaise apne ghar mein beeti ki umeed kare?
Aise mauke pe mujhe feel hoti lachaari
Mujrimo ko de doon inke jurm se main azaadi
Gusse mein yaad nahi aati hai ye baat mujhe
Ki meri lachaari hi dikhayegi aukaat mujhe
Ki mere bas ki nahi kuch bhi
Bas likhta hoon main kyunki main bhi hoon ek bujdil
Kya main usko bacha paata, agar main hota uss din?
Shayad nahi kyunki mujhe padi hai bas khud ki
Baat bas main apni nahi, kar raha hoon teri bhi
Jisne kabhi himmat dikhane mein thodi deri ki
Jisne kabhi aage badh kar kari nahi awaaz
Jisne sirf bheed mein hi fer li thi aankh
Jisko pahle jaldi hoti video banane ki
Jisko pahle fikat hoti hai pure jamaane ki
Jisko lagta hai ki koi aur pahal karega
Jisko lagta hai hone do humein kya?
Shayad ye darinde kabhi khatam nahi honge
Aur shayad kanoon har baar chhod dega
Par agar tujhe kabhi kuch galat hota dikhe
Toh himmat ke saath jaana, fod dena
Par agar tujhe kabhi kuch galat hota dikhe
Toh himmat ke saath jaana, fod dena
Track Info*
Song Name – Fod Dena
Singer – Fotty Seven
Lyrics – Fotty Seven
Music – Fotty Seven
Release Date – 30 Nov, 2019