Khoon khaul raha hai mera, hade saari paar hai
Kal gale lagaaya par aab haath mein toh hathiyar hai
Jung tune suru kari, khatam karne ko taiyaar
Raakh ban chuka tere liye bacha jo pyar hai
Sapne mein dikhe unke shareer ke woh tukde
Pariwaron ke aansun abhi bhi nahi rukre
Kaisi hai ye tashweer?
Chahiye tujhko kashmir par
Aab toh tujhko milne wala sirf kasht veer
Bhaijaan, Sach bolun toh har saza kabool hai
Teri desh ki mitti se to bani aab ye dhool hai
Par tu soche ki main khush aur main tera dush-man
Toh sun, Ye toh teri bhool hai
Haan ye mulk hai mera par mila nahi savera
Main chahta hoon ye badle par mujhse hi munh fera
Mujhe bhi toh intezar hai aab kisi inaayat ka
Par aab bhi main hoon bandi aapni shikaayat ka
Hamari khamoshi ka faaida tune hai uthaaya
Shanti ka jo diya jala tha wo hai bujhaya
Saabit kara aab tune ki aab tu toh hai paraaya
Par yaar rakhna tune aab hai sher ko jagaaya
Kaash mein tera dard baant sakta, paas rakhta
Par mujhe aapne ghat mein hi toh DAR khaas lagta
Aawaz uthake mili saza thi
Mere pankh hai tode kaise milegi aazadi
Aaj aansun ye dard ki nahi, ye khoon ke hain
Badle ki aag aur kuch ye junoon ke hai
Un jawano ko tune bheja taboot mein
Shareeron ke aans unke bhai dhundh rahe hai
Sirf pyar ki hi toh hai mujhe tishnagi
Tujhe lage mere haath dube khoon ki nadi mein
Ek din milenge falak ke uppar hum kahin pe
Khuda se rehmat mein mangunga yahin pe
Tune in aatankwadiyon ko chupaaya aapne ghar pe
Toh kyun na aadha ilzaam iska lage tere sar pe
Tu chahe jo aasani se inhe baahar karde
Raaz tere chupe aur baand hai saare parde
Bhai jaan tujhe lage mere liye aashan par
Inke bandhukon ke mujhpe bhi toh hai nishaan
Mera khud ka ghar na sambhle kya karoon Kashmir ka?
Ranjish hai ye kaisi? mera dil pareshaan hai
Kaash teri batein dil samajh paata
Mere dil mein khoon ki lahar, pahli baar nahi hua
Jara thehar ye zannat thi meri tune faila diya zehar
Par maine nahi racha ye phir bhi mujhe saza de
Allah se main bolun tujhe hansne ki ek wazah de
Par ye shaitaan yahin hai bashe
Aur sach bolun ye toh mujhpe bhi hanse
Yaar aaman shanti sirf yahi chahiye
Par pawan aandhi banchuki khayi hai
Mere aage aur ye mujrim aab sab bhaage
Kyunki har shaheed is zameen pe mera bhai hai
Gehrai hai teri baton mein
Par sun mere bhai jo parchai hai ye meri nahi,
Aasli mein jo ye ladaai hai sirf teri nahi
Kyunki main chahta in saitaano ka khaatma haan
Inki aatma ghar aayi hai par inka rehna nahi hai kabool
Inshaniyat ki inhone tode hai asool
Phir bhi tum soche hai ki isme mera hai kashoor
Shiddat se pyar karun phir bhi nafrat ke liye mashoor
Kalam ki siyahi ki tarah woh sipaahi bhi
Mit chuke par wo likh chuke
Ki inshaaniyat haiwaaniyat mein kyun badalne lagi hai
Mere aur tere dil mein sirf payar ki kami hai
Toh aaj, Hindushtan se se badhkar sochte hai
Un darindo ko har kone mein jaake khojte hai
Toh aaj desh dharam ko hum piche chhodte hai
Pulwama ke liye ek baar haath jodte hai
Toh aaj, Hindushtan se se badhkar sochte hai
Un darindo ko har kone mein jaake khojte hai
Toh aaj desh dharam ko hum piche chhodte hai
Pulwama ke liye ek baar haath jodte hai
Track Info*
Song Name – Lakeer
Rapper – VOID
Lyrics – VOID
Music – Exult Yowl
Release Date – 27 Feb, 2019