Kaafi din huye naya sangeet pesh hai,
Naag se ye log jinki baatein karna shesh hai,
Naachu fan pe inke krishna ki tarah main dekho,
Naachta hai gaane pe mere ye pura desh hai
Bhesh tha jo bhoot kaal mein woh hai bhasam,
Main dekhta bhavishya raakh mein ye aag hai karam,
Na karta hai sharam ye Mishra ji ka ladka dheet hai,
Syaahi se vivaah, bol teer sab sateek hai
Kareeb se fakeer sab ye dur se ameer hai,
Jaisa mann ho chalti haan zubaan meri wazir hai,
Abir hai ye nain rangta khud main apna falsafa,
Madhyika ko kar khada hoon karta sabko hi dafa
Zalzala ye sir hila de silsila hai sargami,
Sarsara ke surkh syahi se likhoon main shayari,
Kaagzaat zard hai bedard kisse bolte,
Cheekhti dawaat ab bhi sach tu phir se bol de
Hip Hop Mein Gyaan Hi Niraala Hai, Ye
Hip Hop Ne Hi Mujhe Sambhaala Hai, Ye
Hip Hop Tu Sun Zara Laga Ke Kaan,
Naye Daur Mein Purani Paathshala Hai Ye
Hip Hop Mein Gyaan Hi Niraala Hai, Ye
Hip Hop Ne Hi Mujhe Sambhaala Hai, Ye
Hip Hop Tu Sun Zara Laga Ke Kaan,
Naye Daur Mein Purani Paathshala Hai Ye
Hai ye Puraani Paathshala
(Puraani Paathshala)
Vastra hain bade ye mera tann hai jaise sookhta,
Khoobsurti hai dil me thopda kuroop sa,
Wajood na milega tujhpe main thook du jo,
Naam bol mera khud ko kehta tu barood sa?
Baatein gehri bol Mariana Trench saare,
Lehron se hain khauf khate ye khade kinaare,
Shaq hai jinko unko mera ishtihaar ye,
Ke shayari ko samjho sarbati sama hai saar mein
Laar hai bahaate swaad se sani rubaiyan,
Vilaap karti dhun hai kehti maar doge bhai kya,
Rai ka pahaad na banaata khud ke shekhiyo mein,
Baghaar du na sach ke phail jaaye raita
Banaaye jau geet baithoon na main thak kar ke
Lagte hai ab bhi kadve bol daane shakkar ke,
Karta main baat ab bhi daam jaise chappal ke,
Sau.
Aur ye ladke mujhpe shak karte?
Hip Hop Mein Gyaan Hi Niraala Hai, Ye
Hip Hop Ne Hi Mujhe Sambhaala Hai, Ye
Hip Hop Tu Sun Zara Laga Ke Kaan,
Naye Daur Mein Purani Paathshala Hai Ye
Hip Hop Mein Gyaan Hi Niraala Hai, Ye
Hip Hop Ne Hi Mujhe Sambhaala Hai, Ye
Hip Hop Tu Sun Zara Laga Ke Kaan,
Naye Daur Mein Purani Paathshala Hai Ye
Puraani Paathshala
Track Info*
Song Name – PAATHSHALA
Artist – Spitfire
Album – Paathshala
Music – RĀKHIS & NUKA
Song Label – IncInk
Release date – 25 Jun, 2019